හිටපු ක්රිකට් ක්රීඩකයාගේ ඝාතනයට කාන්තාවක් අත්අඩංගුවට
අම්බලන්ගොඩදී හිටපු ක්රිකට් ක්රීඩක ධම්මික නිරෝෂණට වෙඩි තබා ඝාතනය කිරීමේ සිද්ධිය සම්බන්ධයෙන් තවත් සැකකරුවෙකු අත්අඩංගුවට ගෙන තිබෙනවා.
ඔහු ගාල්ල කැළේගාන ප්රදේශයේ පදිචිකරුවකු බවයි පැවසෙන්නේ.
මේ අතර සැකකරු සමග සබඳතා පැවැත්වූ කාන්තාවක්ද අත්අඩංගුවට ගෙන තිබෙනවා.
ඇය කොස්ගොඩ ප්රදේශයේ පදිංචිකාරියක් බවත් ඔවුන් ඊයේ (19) අත්අඩංගුවට ගත් බවත් පොලිස් මාධ්ය ප්රකාශකවරයා පැවසුවා.
ඝාතනයට පෙරත් ඉන් පසුවත් සැකකාර කාන්තාවගේ බැංකු ගිණුමකට සැකකටයුතු ලෙස මුදල් ප්රමාණයක් බැරවී තිබෙන බව අනාවරණය වී තිබෙනවා.
එම මුදල් විදේශයකින් ලැබී ඇති බවට සැකකරන අතර විමර්ශන ක්රියාත්මක බවයි පොලිස් මාධ්ය ප්රකාශකවරයා පැවසුවේ.
ඝාතනය සඳහා භාවිතා කළ ගිනිඅවිය සොයාගෙන තිබෙන බවත් මේ වන විට සිද්ධියට සැකකරුවන් දෙදෙනෙකු සමග සැකකාරියක අත්අඩංගුවට ගත් බවද මාධ්ය ප්රකාශකවරයා වැඩිදුරටත් පැවසුවා.
