මංගල සීනු හැඬවූ ඔලිම්පික් පිටිය
මතභේදයට තුඩු දී තිබියදීත් 2024 පැරිස් ඔලිම්පික් උළෙල ද අමතක නොවන අවස්ථා කිහිපයක් ඇති කරනු ලැබුවා.
එවැනි එක් හද උණුසුම් කරවන අවස්ථාවක් වූයේ ප්‍රංශ මලල ක්‍රීඩිකා ඇලිස් ෆිනොට් මීටර් 3000 බාධක දිවීමේ අවසන් තරගයේදී දැක්වූ විශිෂ්ට දස්කමයි.
ඇය පළමු ස්ථානයට හෝ පදක්කමකට හිමිකම් කීවේ නැතත්, ෆිනොට් එම ඉසව්වේ යුරෝපීය වාර්තාව බිඳ දමමින් ඉතිහාසගත වූවා.
33 හැවිරිදි ඇය 8:58.67 ක විශිෂ්ට කාලයක් වාර්තා කරමින් යුරෝපීය බාධක ධාවන වාර්තාව බිඳ දැමූ අතර තරඟය අවසන් වූ විගසම ඇය තම පෙම්වතාට යෝජනා කිරීමට අවස්ථාව ලබා ගත් අතර එය සැබවින්ම අමතක නොවන අවස්ථාවක් බවට එය පත්කර ගත්තා.
ඇය හෘදයාංගම යෝජනාවක් සමඟ ඇගේ පෙම්වතා පුදුමයට පත් කළ අතර රැස්ව සිටි පිරිස ප්‍රීති ඝෝෂා නගද්දී ඇය මෙම යෝජනාව පෙම්වතා හමුවේ ඉදිරිපත් කළා.
ඇයගේ ආදර යෝජනාව සමාජ මාධ්‍ය තුළ දැඩි කතාබහටද ලක්ව තිබෙනවා.
එම වීඩියෝව සම්බන්ධයෙන් බොහෝ දෙනෙක් අදහස් ඉදිරිපත් කළ අතර එම අදහස් කිහිපයක් මෙසේයි.
”අද ඔබට අන්තර්ජාලයේ දැකිය හැකි හොඳම දේ. සුභ පැතුම්, නගරයේ නව යුවළක්.’’
‘‘ඒක මිහිරියි. ඔහු ඇය ගැන ආඩම්බර විය යුතුයි.’’
‘‘කාන්තාවන් සියලු බාධක බිඳ දමයි. ඒක බලන්න ආසයි.”
”ආදරය සහ සාර්ථකත්වයේ ජයග්‍රාහී එකතුවක් වගේ! මොනතරම් අමතක නොවන මොහොතක්ද, සුබ පැතුම්.’’
