වසර පහකට පසු සංචාරකයන්ට උතුරු කොරියාවේ දොර ඇරෙයි
කොවිඩ් වසංගතය හේතුවෙන් වසර පහකට ආසන්න කාලයක් උතුරු කොරියාවේ දේශසීමා වසා දැමීමෙන් පසු දෙසැම්බර් මාසයේදී එරට එක් නගරයක් විදේශ සංචාරකයින් සඳහා නැවත විවෘත කිරීමට නියමිත බව විදෙස් මාධ්‍ය වාර්තා කරනවා.
2020 වසර මුලදී කොවිඩ් වසංගතය ආරම්භයේදී උතුරු කොරියාව මුද්‍රා තැබීය.
විදෙස් මාධ්‍ය නිවේදනය කර ඇත්තේ, සංචාරකයින්ට කඳුකර නගරයක්වන සැම්ජියොන් නැරඹීමට අවසර දෙන බවයි.
සම්ජියොන් පිහිටා ඇත්තේ උතුරු කොරියාවේ උසම කඳුකරයවන පෙක්ටු පාමුලවන අතර, එය චීන-උතුරු කොරියානු දේශසීමාවයි.
සැම්ජියොන් මෑත වසරවලදී විශාල ප්‍රතිසංවර්ධනයකට ලක්ව ඇති අතර, ජනාධිපති කිම් ජොන් උන් එහි ගුවන් තොටුපළ නැවත ගොඩනැඟීමට, හමුදා කඳවුරක් නිවාඩු නිකේතනයක් බවට පත් කිරීමට සහ විදේශීය සංචාරකයින් සඳහා නව දුම්රිය මාර්ග සහ හෝටල් ඉදිකිරීමට සැලසුම් කර ඇති බවයි මාධ්‍ය පවසන්නේ.
එමගින් ජාත්‍යන්තර සංචාරක ව්‍යාපාරය පුනර්ජීවනය කිරීමේ සැලසුම් සහ මිත්‍රශීලී ජාතීන්ගෙන් පැමිණෙන අමුත්තන් ඉලක්ක කර ගන්නා බවයි ඔහු පවසා ඇත්තේ.
2024 වසරේ මුල් භාගයේ සිට රටවල් දෙක අතර ඇති උණුසුම් සබඳතා මධ්‍යයේ රුසියානු සංචාරකයින්ට පමණක් උතුරු කොරියාවට ඇතුළු වීමට අවසර දී තිබෙනවා.
