ලොහාන් රත්වත්තේගේ පුද්ගලික ලේකම්වරයෙකු වෙඩි වැදී මරුට
මහනුවර දිස්ත්‍රික් හිටපු පාර්ලිමේන්තු මන්ත්‍රී මෙන්ම හිටපු රාජ්‍ය අමාත්‍ය ලොහාන් රත්වත්තේගේ පුද්ගලික ලේකම්වරයෙකු වෙඩි වැදීමෙන් ජීවිතක්ෂයට පත්ව ඇතැයි මහනුවර පොලිසිය පවසනවා.
වෙඩි වැදීමෙන් බරපතළ තුවාල ලැබූ ඔහු මහනුවර ජාතික රෝහලට ඇතුලත් කිරීමෙන් පසු අද (20) මරණයට පත්ව තිබෙනවා.
මෙම පුද්ගලයාට මහයියාව පෙදෙසේ දී වෙඩි වැදී තිබෙන බවයි පැවසෙන්නේ.
එසේම පොලිසිය සදහන් කළේ, හිටපු රාජ්‍ය අමාත්‍යවරයාගේ මහයියාවේ පිහිටි නිවස පරිශ්‍රයේ කාර්යාල ගොඩනැගිල්ලක් තුළ මොහු වෙඩිවැදී සිටි බවයි.
මෙය වෙඩි තැබිමක්ද නැතහොත් සියදිවිනසා ගැනිමක්ද යන්න සම්බන්ධයෙන් පරීක්ෂණ ක්‍රියාත්මකයි.
