හවුති කැරැලිකරුවන්ගෙන් ඊශ්‍රයලයට මිසයිල ප්‍රහාරයක්
අරාබි අර්ධද්වීපයේ සිට ඊශ්‍රයලයට දුර දිග මිසයිල ප්‍රහාරයක් එල්ල කළ බව යේමනයේ හවුති කැරැලිකරුවන් ප්‍රකාශ කර ඇති බව විදෙස් මාධ්‍ය වාර් තා කරනවා.
නිවේදනයක් නිකුත් කරමින් හවුති කැරැලිකරුවන් ප්‍රකාශ කර ඇත්තේ ඊශ්‍රායලයේ දකුණින් පිහිටි ජාෆා නුවර හමුදා කඳවුරක් ඉලක්ක කරමින් එම මිසයිලය එල්ල කළ බවයි .
එම මිසයිලය නියමිත ඉලක්කයට යොමු වූ බවත්, ඊශ්‍රයාල ගිනි නිවන හමුදාව මිසයිල ප්‍රහාරයෙන් ඇති වූ ගින්න නිවීමට දැඩි උත්සාහයක නිරත වූ බවත් හවුති කැරැලිකරුවන් වැඩිදුරටත් ප්‍රකාශ කර තිබෙනවා .
එහෙත් එම මිසයිලය විනාශ කළ බවට ඊශ්‍රායල හමුදාව ප්‍රකාශ කර ඇති බවයි එම මාධ්‍ය වාර්තා කරන්නේ .
නිවේදනයක් නිකුත් කරමින් ඊශ්‍රායල හමුදාව වැඩිදුරටත් සඳහන් කර ඇත්තේ යේමනයේ සිට එල්ල වූ එම මිසයිලය සාර්ථකව විනාශ කිරීමට ඊශ්‍රායල ගුවන් හමුදාව සමත්වූ බවයි .
