වැඩබලන අමාත්යවරු සිව් දෙනෙක් පත් කෙරේ
ජනාධිපති අනුර කුමාර දිසානායක එක්සත් ජාතීන්ගේ මහා මණ්ඩලයට සහභාගි වීම සඳහා ඇමරිකා එක්සත් ජනපදය බලා පිටත්ව යාම හේතුවෙන්, අමාත්යාංශ 04 ක් සඳහා වැඩබලන අමාත්යවරු පත් කර තිබෙනවා.
ජනාධිපතිවරයා යටතේ පවතින ඩිජිටල් ආර්ථික අමාත්යාංශය, ආරක්ෂක අමාත්යාංශය, මුදල් හා ක්රම සම්පාදන සහ ආර්ථික සංවර්ධන අමාත්යාංශය යන අමාත්යාංශ සඳහා වැඩබලන අමාත්යවරුන් තිදෙනෙක් ද, එම සංචාරයට එක්වූ අමාත්ය විජිත හේරත් යටතේ පවතින විදේශ කටයුතු, විදේශ රැකියා සහ සංචාරක අමාත්යාංශය සඳහා එක් වැඩබලන අමාත්යවරයෙක් ද මෙලෙස පත් කර ඇති බවයි සඳහන් වෙන්නේ.
ඒ අනුව මුදල් හා ක්රම සම්පාදන සහ ආර්ථික සංවර්ධන වැඩබලන අමාත්යවරයා ලෙස කම්කරු අමාත්ය සහ ආර්ථික සංවර්ධන නියෝජ්ය අමාත්ය අනිල් ජයන්ත ප්රනාන්දු ද, ඩිජිටල් ආර්ථික වැඩබලන අමාත්යවරයා ලෙස ඩිජිටල් ආර්ථික නියෝජ්ය අමාත්ය එරංග වීරරත්න ද, ආරක්ෂක වැඩබලන අමාත්යවරයා ලෙස ආරක්ෂක නියෝජ්ය අමාත්ය අරුණ ජයසේකර ද, විදේශ කටයුතු, විදේශ රැකියා සහ සංචාරක වැඩබලන අමාත්යවරයා ලෙස එම නියෝජ්ය අමාත්ය අරුන් හේමචන්ද්ර ද පත්කර තිබෙනවා.
මේ සම්බන්ධයෙන් නිකුත් කළ නිවේදනය පහතින්.
