ශ්රී ලංකා කණ්ඩායමට තරඟ ගාස්තුවෙන් 40%ක දඩයක්
ඔස්ට්රේලියාවට එරෙහිව කොළඹදී පැවැති දෙවැනි විස්සයි විස්ස තරගයේදී ශ්රී ලංකා පිලට තරග ගාස්තුවෙන් 40%ක දඩයක් නියම කර තිබෙනවා.
ICC තරඟ තීරක රන්ජන් මඩුගල්ල විසින් මෙම දඩය පැනවූයේ ශ්රී ලංකා කණ්ඩායම නියමිත කාලය තුලදී පන්දුවාර 2ක් අඩුවෙන් සිටින බවට තීරණය කිරීම සැලකිල්ලට ගැනීමෙන් අනතුරුවයි.
ක්රීඩකයින් සඳහා වන ICC චර්යාධර්ම සංග්රහයේ 2.22 වගන්තියට අනුව, නියමිත කාලය තුළ යැවීමට අපොහොසත් වන සෑම ඕවරයකටම ඔවුන්ගේ තරග ගාස්තුවෙන් සියයට 20ක දඩයක් අය කරනවා.
මේ සිද්ධිය සම්බන්ධයෙන් ශ්රී ලංකා කණ්ඩායමේ නායක දසුන් ශානක වරද පිළිගත් බැවින් මේ පිළිබඳව තවදුරටත් කටයුතු නොකරන බවයි ජාත්යන්තර ක්රිකට් කවුන්සිලය නිවේදනය කරන්නේ.