චීනය සහ ශ්රී ලංකාව අතර ගුවන් ගමන් වාර වැඩි කෙරේ
චීනය සහ ශ්රී ලංකාව අතර සිදු කෙරෙන ගුවන් ගමන් වාර සංඛ්යාව වැඩි කිරීමට තීරණය කර තිබෙනවා.
ඒ අනුව මේ සතියේ සිට චීනය, ශ්රී ලංකාව වෙත ගුවන් ගමන් වාර 03ක් සිදු කරනු ලබනවා
ශ්රී ලංකන් ගුවන් සේවයට වැඩි වාර ගණනක් චීනය වෙත පැමිණීමට ද අවස්ථාව සැලසෙන අතර ශ්රී ලංකාවේ චීන තානාපති චි සෙන්හොන්ග් (Qi Zhenhong) මහතා පසුගියදා කොළඹ, කොටුව ජනාධිපති මන්දිරයේ දී ජනාධිපති ගෝඨාභය රාජපක්ෂ මහතා හමු වූ අවස්ථාවේ මේ බව සඳහන් කර තිබෙනවා
චීන රජය ශ්රී ලංකාවට ලබා දුන් සහ දීමට අපේක්ෂිත ආර්ථික හා මානුෂීය ආධාර පිළිබඳ තානාපතිවරයා ජනාධිපතිවරයා දැනුවත් කිරීමට පියවර ගෙන ඇති අතර චීනයේ අධ්යාපනය හදාරන ශ්රී ලාංකික වෛද්ය සිසුන්ට යළි එරටට පැමිණ අධ්යාපනය හැදෑරීමට අවස්ථාව ලබාදීමට පියවර ගෙන තිබෙන බවද සඳහන්
ද්විපාර්ශ්වික වෙළෙඳාම හා ආර්ථික ක්රියාකාරකම් තවදුරටත් වර්ධනය කරගැනීම කෙරෙහි දීර්ඝ වශයෙන් සාකච්ඡා කෙරුණ අතර චීන ජනාධිපති ෂී ජින් පින් (Xi Jinping) මහතා එවූ විශේෂ පණිවිඩයක් තානාපතිවරයා විසින් ජනාධිපතිතුමා වෙත භාරදෙනු ලැබුවා
මෙරට මුහුණ දී සිටින ආර්ථික අර්බුදය හමුවේ මිත්ර රටක් ලෙස චීනය ලබාදෙන සහාය පිළිබඳ ජනාධිපතිතුමා සිය ප්රශංසාව පළ කළ බවයි ජනාධිපති මාධ්ය අංශය වැඩිදුරටත් සඳහන් කර සිටියේ