අද ප්රදේශ කිහිපයකට විටින් විට වැසි
අද (14) දිවයිනේ බස්නාහිර සහ සබරගමුව පළාත්වලත් පුත්තලම, මහනුවර, නුවරඑළිය, ගාල්ල සහ මාතර දිස්ත්රික්කවලත් විටින් විට වැසි ඇති වෙනවා.
කළුතර, රත්නපුර, ගාල්ල සහ මාතර දිස්ත්රික්කවල ඇතැම් ස්ථානවලට මිලිමීටර් 50 ට වැඩි තරමක් තද වැසි ඇති විය හැකි බවත් කාලගුණවිද්යා දෙපාර්තමේන්තුව පවසනවා.
එම දෙපාර්තමේන්තුව විසින් නිකුත් කරන ලද නිවේදනයේ සඳහන් වන්නේ හම්බන්තොට සහ කුරුණෑගල දිස්ත්රික්කවල වැසි වාර කිහිපයක් ඇති වෙන බවයි.
ඌව පළාතේ සහ මඩකලපුව, අම්පාර දිස්ත්රික්කවල ස්ථාන ස්වල්පයක සවස් කාලයේ හෝ රාත්රී කාලයේ වැසි හෝ ගිගුරුම් සහිත වැසි ඇති විය හැකියි.
මධ්යම කඳුකරයේ බටහිර බෑවුම් ප්රදේශවලත් උතුරු, උතුරු-මැද සහ වයඹ පළාත්වලත් ත්රිකුණාමලය සහ හම්බන්තොට දිස්ත්රික්කවලත් විටින් විට පැයට කිලෝමීටර් (40-45) පමණ තරමක් තද සුළං බලාපොරොත්තු විය හැකි බවත් සඳහන්.
ගිගුරුම් සහිත වැසි ඇති වන විට එම ප්රදේශවල තාවකාලික තද සුළං සහ අකුණු මඟින් සිදුවන අනතුරු අවම කර ගැනීමට ප්රමාණවත් පියවර ගන්නා ලෙස කාලගුණවිද්යා දෙපාර්තමේන්තුව සාමාන්ය ජනතාවගෙන් කාරුණිකව ඉල්ලා සිටිනවා.